مەڕامنامە

پێناسە:

گروپی "لێكۆڵەرانی ئاشتی"پەیام هێنەری سوڵح , ئازادی وهاورێیەتیە.

1- "لێكۆڵەرانی ئاشتی" گروپێكەلەپەناخوازانی ئێرانی كەبە پشت بەستن بە ئەسڵی بڕگەی سێزدەهەمی

جارنامەی مافی مرۆڤی رێكخراوی نەتەەیەكگرتوەكان* نیازی سەفەركردنی بەپێ هەیە بەدەوری دنیادا.

- گروپی"لێكۆڵەرانی ئاشتی"نیازی نیشتەجێبوون یا وەرگرتنی پەنابەرێتی لەهیچ وڵاتێك نیە.

ئامانجەكان:

2- ئەوسەفەرەسەمبۆلیكە بەوئامانجانەرێكدەخرێت وبەرێوەدەچێت:

- گورین وچاكسازی لەیاساكانی فەرمانگەی كۆچ بەران لەهەموجیهان بەمەبەستی ئاسانكاری وپەلە كردن لەڕاپەڕاندنی دۆسیەی ئەو پەنابەرە ئێرانیانەی كەداخوازی پەنابەرێتی یان كردوە , ڕاگرتنی ناردنەوەی بەزۆری(دیپۆرت) پەنابەرانی ئێرانی  بەهەر بەهانەو پێناسەیەك لەلایان وڵاتانەوەبێت.

- نارەزایەتی  رەوشی زاڵ بەسەر خەڵكی ئێران دالەسەر مەحكوم كردنی:

سەركوت وتوندوتیژی بەرانبەر خەَك , شكەنجەی دەرونی وجستەیی بەرامبەر بەزیندانیان , قەدەغەكردنی چالاكی سیاسی , نەبونی ئازادی بەیان ومیدیای ئازاد , سێدارە وسەنگەسار , قەدەغەكردن وبەرتەسك كردنی چالاكیە نەتەویی وئایینیەكان , هەلاواردن دژی ژنان وهەرجۆرەیاسایەكی تری هەلاواردن.

- بانگهێشتی جیهانیان بە:ئازادی ویەكسانی , سولح وخۆپاراستن لەشەروتوندوتیژی – پاراستنی مافی مرۆڤ وئاژەل – بەرگری لەسروشت – خۆشەویستی ومیهرەبانی.

بەرنامەكان

3- گروپی "لێكۆڵەرانی ئاشتی"نیازی هەیە دوای وەرگرتنی ئیجازەی پێویست لە وڵاتان , رێكخراوەكان وكۆمەڵگای نێونەتەوەیی بۆچونەناوەودەرچون لەوڵاتان , شاربەشار ووڵات بەولات بەپی تێدەپەرێنێت ولەورێگایەداخەریكی ئەوچالاكیانەبێت كە لە خوارەوە ئاماژەیان پێكراوە:

- بڵاوكردنەوەوگەیاندنی گرفتی بژێوی,حقوقی وتاكەكەسی پەناخوازانی ئێرانی لەسەراسەری جیهان.

- ناساندنی كلتورورەسەنی ئێرانی بەخەڵكی جیهان ولەبەرام بەریش دا ناسینی كلتور ورەسەنی نەتەوەكانی تری جیهان.

- وێنەوفیلم گرتن , راپۆرت نوسین , سەفەرنامەنوسین.

- بەشەداری كردن لە هەمو كەمپینێكی پەیوەندی داربەئامانجەكانی گروپ.

- بەشداری كردن لە كۆر كوبونەوەكان سیمینارەكان وكۆنفرانسەكانی ئێرانیان لەهەمو جیهان كەپەیوەندی دارن بەئامانجەكانی گروپ.

رێگا وجۆری رۆیشتن

4- گروپی "لێكۆڵەرانی ئاشتی"دوای دیاری كردنی شوێنی دەستپێكردنی سەفەر ,سەفەری خۆی بەومەرجانەی كەلەژێرەوە هاتون  ولەو رێگایانەی كەدیاری كراون دەستپێدەكات:

- سەفەر بەپێ وبەهەڵگرتنی كەمترین كەل وپەل,بەرۆژوشەوانەش بەوەستان وئیسراحەت دەستپێدەكات

- تەنیا ئەورێگایانەی كەگروپ ناتوانێت بەپێ تێیپەرینێت (بیابان وكوێستانی شاخاوی وبحر)كەڵك لە ئامێری تایبەتی لەبەردەست وەردەگرێت.

رۆیشتن بەسەر80وڵات وسەدان شارلەبرنامەكەماندا جێكراوەتەوەكەلەخوارەوەلەپێنج بڕگەدا هاتون:

1- دەوری ئەورپا: لەرۆژهەلات وباكوری بۆ رۆژئاوا وباشور

2- دەوری رۆژئاوای ئەفریقا:لەباكور بۆ باشور

3- دەوری ئۆقیانوسییە: لەباشوری ئەفریقا بۆ رۆژئاوای نیوزیلەند

4- دەوری ئەمریكا:لەباشور بۆ باكور

5- دەوری ئاسیا :رۆژهەڵاتی ئاسیا بۆئاسیای ناوەراست

رون كردنەوە: بەدلنیایەوە گروپ لەكۆتایی سەفەر دا یادەگیرێتەوەشوێنی دەستپێك یالەحالەتی تایبەت دا

دەگەرێتەوە بۆ ئێران یا لەسوچێك لەو جیهانە پان وبەرینەدا ,  دەگەرێتەوە بۆژیانی ئاسایی خۆی.

مەرجی ئەندامیەت

5- گروپی "لێكۆڵەرانی ئاشتی"گرێدراوی ئازادی خوازان وئازادئەندیشانی جیهانەكە بەدورلەهەر

نژاد, نەتەوە ,زمان ,كلتوروئایینیكە.

ئەندام بوون لەگروپی  "لێكۆڵەرانی ئاشتی "بەسێ شێوازە كەبەجۆری چالاكیەكان بەش دەكرێت:

هاوسەفەر: كەسانێك كەدەیان هەوێت وەكوهاوسەفەر لەگەڵ "لێكۆڵەرانی ئاشتی" سەفەر بكەن دەبێت  لەپەناخوازانی ئێرانی بن كەلەگەل مەرج وئامانجەكانی گروپ ئاشنابن وقەبولیان بێت.  

نوێنەر : هەركەسێك بۆ بەرەوپێشچونی ئامانج وبەرنامەكانی گروپ دەتوانێت لەشوێنی نیشتەجێ بونی خۆی , نوێنەرایەتی "لێكۆڵەرانی ئاشتی" بكات ,بانگەواز , ریكڵام , رێكخستن وبەرنامە سازی لەچالكیە كانی نوێنەران دەبێت.

لایەنگر :هەرتاكێك كەئامانجەكانی گروپی "لێكۆڵەرانی ئاشتی" بەئامانجی خۆی بزانێت وەكولایەنگری گروپ بەئەژماردێت جا لەهەرنژادونەتەوە وزمان وئاین ولەهەرتەمەنێك دابێت وبەوشێوازانەكەلەخوارەوە هاتون دەتوانن پشتگیری ئامانجەكانی گروپ بكەن:

- ئیمزاكردنی لاپەڕەی پتیشن بۆپشتیوانی كردن لەگروپ لەسەرئەنتەرنێت

- ئیمزاكردنی  تومارلەسەر ئالای تابەتی گروپ

- پێشوازی وبەریكردنی گروپ لەشار ورێگاكانی سەفەر

- دابین كردنی پێداویستەكانی ئەندامانی گروپ وەكو جل وبەرگ , خواردەمەنی , پێداویستی

تەندروستی و دەرمانی پێویست لەرێگای سەفەردا

پشتیوانی مالی

6- ئەوبەشەلەمەرامنامەبەهۆی هەبونی حەساسیەت وپێناسەی تایبەت وشیوازی جیاوازوئیجرایی خۆی دواتر بڵاودەكرێتەوە

ئەومەرامنامەیەلە(6) بڕگە پێك هاتوە بەمەبەستی ناساندنی گروپی"لێكۆڵەرانی ئاشتی "

ئەسڵی بڕگەی سێزدەهەمی جارنامەی مافی مرۆڤی رێكخراوی نەتەەیەكگرتوەكان:

هەركەسەێك مافی هەیە لەناو هەر وڵاتێكدا بەئازادی هاتوچۆ بكات وشوێنی نیشتەجێبوونی خۆی هەڵبژێت.

نامەیەك لەگروپی"لێكۆڵەڕانی ئاشتی"بەجیهانیان:

"لێكۆڵەڕانی ئاشتی" لەدایك بووی زەینَكی داهێنەر وبەرهەمی بیری ئازادە.

ئێمە گروپێكی ئێرانی  موهاجیر, دور خستراوە وپەنابەرین  كە نارازی رەوشی ئێستاین و خوازیاری گۆڕان وگۆڕان كارین ,ودەستی یارمەتی وگرینگی پێدان رەت ناكەینەوە .

"لێكۆڵەڕانی ئاشتی"شێوازی تایبەت به خۆی بۆ جێبەجێكردن وبڵاو كردنەوەی فكرەكانی هەڵبژاردوە و ئامانجی ئەوە یە ئازاری خۆی و كە سانی وەك خۆی لەگەل خەڵكی جیهان ڕولەڕو بكات و راستەو خۆ پەیوەندیان لەگەڵ بگرێت ولەگەلیان باس بكات.

بۆوتنەوی دوبارەی زولِم لێكراوی ,ناعەدالەتی جیهان لەژێر پێ تێدەپەرێنێت وبە دوای ئەشق ,برادەرایەتی ,خۆشەویستی سوڵح,ئارامش و ئەمنیەت دەگەرێت.

نامەیەك لەگروپی"لێكۆڵەڕانی ئاشتی"بەجیهانیان:

 لە جیهانێكدا كە بیری ئازاد ی فكرو ئازادی رادەبڕین، مافی هەڵبژاردن وجۆری پۆشاك، زمان وئاین لە سەرەكی ترین مافەكانی مرۆڤن، ئێرانیەكان بۆ زیندو كردنەوەی مافه لەدەستچوەكان و پێشێل كراویان  لە حاڵی دانی بەهایەكی قورس و تاقەت پڕۆكێنن. سووكایەتی، هەرەشە و تۆقاندن، لێدان، دەستگیر كردن  و دادگاییكردنی نایاسایی، زیندان و ئەشكەنجە، دور خستنەوە و گۆشەگیركردن، دەرەنجام لەسێدارەدان، دەستكەوتی ئازادیخوازی وبەئازاد بیركردنەوەی خەڵكێكە كە ئەگەر  نسبەت بە نەتەوەكان ومیلەتەكان و نیشتمانەكانی تری جیهان سەروتر نەبێت، بە هۆی رابردوی مێژوویی‌و كلتوری خوی كەمتر نەبوە ونەدەبوایە بەم جۆرە ببنە ئامانجی زولم وناعەدالەتی  .

"لێكۆڵەڕانی ئاشتی" گروپێكی سەربەخۆیە كە خۆی بە نوێنەری بەشێك لەو كۆمەڵگە زوڵم لێكراو و بێ پەنای ئێرانی دادەنێت.  ئەو ئێرانیانەی كە بۆ بەدەستهێنانی ئازادی، ئەمنیەت و ئارامش، سولح وهاوریەتی، نیشتمانیان بەجێهێشتووە و بە دوور لە ماڵ وحال و بنەماڵە و هاوڕێیانیان، بە دوور لە خزم و بیرەوەرییەكانیان لە جیهاندا وەك پەنابەر بڵاوبونە تەوە.

كەسانێك توانیویانە  نیشتەجێ بن، هەندێكی تر ئیقامەتیان وەرگرتووە، گروپێكی تر سەرگەردان و رێژەیەكی تر لەگەل ئامانجەكانیان هێشتا لە سەفەركردن دان.

سیاسەت لەگەل ئەوان گرێدراوە  بەڵام رەنگە زۆربەیان سیاسی نەبن، گرنگتر لە هەمو شتێك سیاسەت وانان یاساكانیان بەچاودا دەدەنەوە ورێگاكان سەخت تر دەكەن  لە ئاكامدا رۆژگاریش لەگەلیان ناسازێت وخراپەیان لەگەل دەكات .

گروپی "لێكۆڵەڕانی ئاشتی" دەیەوێت لە جووڵەیەكی نوێ ولەجۆری خۆی بێ وێنەدا ، سەرنجی گرینگترین بەشی سەروی زەوی سەبارەت بە ئەو زوڵمانەی كە لە ئێرانیە كان دەكرێت رابكێشێت وئەوە هەمان پرۆگرامی ئێمە,گەشتكردن بە پێ بە دەوری جیهان دایە.ئێمە بەنیازین شار بە شار و وڵات بە وڵات گەشت بكەین و راستەوخۆ لەگەل خەڵكی وڵاتە جۆراوجۆرەكانی جیهاندا قسە بكەین و پەیامی خۆمانیان پێ رابگەیەنین، هەر وڵات و نەتەوەیەك لە هەر زمان و پێست‌و ئاین و كلتورێكدا بێت گرنگ ئەوەیە گوێمان لێبگرن و پەیامەكەمان وەربگرن، دەمانەوێ لە نزیكەوە بیانبینین و پەیوەندییەكی ئینسانی پێك بێنین ولە حالمان ئاگاداریان كەینەوە.

كەمترین چاوەڕوانیمان لە حكومەت و دەوڵەتەكان و یاساكانیان ئەوەیە كە ئیجازەمان پێبدەن لە وڵاتەژێردەسەڵاتیان تێپەڕ بین. لە رێكخراوە  ناحكومیەكان داوادەكەین پشتیوانیمان بكەن و لە كۆتاییدا داوا لە خەڵك دەكەین كە گوێگری  قسەی دڵمان بن، ئێمەیان خۆش بوێت، بەرەوپیلمان بێن و بە زەردەخەنەیەكی میهرەبانانە روانەمان بكەن.

لەم سەفەرە دوور و درێژ و دژوارو لەوانەیە مەترسی دار، ئێمە سێ ئامانجمان هەیە:

1- پەیام هینەری سولح، ئازادی وئەشق بۆ هەموو خەڵكی جیهان لە بەرامبەر ناوزڕاندنی خەڵكی ئێران بە هۆی دەسەڵاتی دیكتاتۆری كە پشتیوانی لە تیرۆر و توندوتیژی دەكات.

2- گەیاندنی دەنگی ناڕەزایەتی  میلیۆنەها كەسی ئێرانی لە بەرامبەر شێوەی خۆڕاگریان بۆ ئازادی رادەربڕین و بیری ئازاد و سەركوتی ئازادیخوازی ئەو خەڵكە لە لایەن كۆماری ئیسلامیەوە.

3- ئاڵۆگوڕی فەرهەنگی و ناسینی نەتەوەكان، وڵاتان لە هەررەگەز و ئاین و پێست و زمانێكدابێت.

هەروەها بە هۆی ئەركی پیشەییمان، لەو سەفەرەماندا دەست دەكەین بە نووسینی كتێب و وێنەگرتن و بەتایبەتی نووسینی سەفەرنامەكەمان.

چاوپێكەوتن و تێپەڕبوون بە (80) وڵاتی جیهان و سەدان شار و لادێ لە بەرنامەكەماندایە وهەر ئەو رێگایانەی كە دەریای تێدەكەوێ یان تۆزێ دژوارە بە ناچار بە كەرەسە دەپەڕینەوە، ئەگینا هەموو سەفەرەكەمان بە پێ دەبێت.

ئەوسەفەرە بێ وەستان وبە كەمترین ئیمكانات و مەسرەف بەرێوە دەچێت وهیچ جۆرە بەرداشتی سیاسی پێوە دیار نابێت. پێشوازی لە هەموو پاڵپشتیەكی مرۆڤدۆستانە و راستگۆیانە دەكەین و هیچ جۆرە دۆخێكی سەپێنەر یان سەپێنراو پەسەند ناكەین.

هیوادارین سەفەرێكی سەرنجڕاكێش، وروژێنەر، پڕئەزموون چاوەڕێمان بكات و بتوانێت سووچێك لە ئارەزوو و ئاواتی میلیۆنەهاكەس بە ئەنجام بگەیەنێت كە چاوەڕێی ئازادی و خۆشەویستین بۆ ژیان و ئاشتی.

مرۆڤی پەنابەر‌و مافەكانی:

بنەمای سێنزەهەم لە بڵاوكراوەی مافی مرۆڤی نێودەوڵەتی دەڵێت:

"هەر كەسێك مافی هەیە لە ناو هەر وڵاتێكدا بە ئازادی هاتۆچوو بكات‌و شوێنی نیشتەجێبوونی خۆی هەڵبژێرێت."

كاتێك ئەم بنەمایە بووەتە بەشێك لە پێویستیەكانی مافی مرۆڤ ، هەروەها لە لایەن وڵاتان‌و حكومەتەكانی جیهانەوە پەسەند كراوە‌و پاڵپشتی لێدەكرێت، دەتوانین ئومێدەوار بین بەرامبەر بە داهاتووی جیهان، بەڵام لە كاتی لێكدانەوە‌و ناساندنی  مەفهومی واتاداری تێدایە كە روبەڕوی هەندێ ناكۆكی زۆر دەبینەوە بە پێی یاسا باوەكانی پەنابەرێتی‌و نیشتەجێبوون لەو وڵاتانە‌و حكومەتەكانیان.

لە حاڵێكدا دوایین بنەما لە بنەما سیانەكەی بڵاوكراوەی مافی مرۆڤ بە راشكاوی جەخت لە سەر ئەوە دەكاتەوە كە:

هیچ كام لە رێساكانی راگەیەنراوی ئامادەكراو نابێ بە شێوەیەك لێك بدرێتەوە كە مافێك بۆ دەوڵەت یان كۆمەڵەیەك یان تاكەكەسێك بێت كە بەو هۆیەوە بتوانن هەر كام لەو ماف ‌و ئازادییە تۆماركراوانە لەم راگەیەنراوەدا لەناو بچێت  یان لەو رێگایەدا چالاكییەك بكەن.

لێكدانەوەی  هاتۆچووی بە ئازادی‌و هەڵبژاردنی شوێنی نیشتەجێبوون زۆر ساكارە‌و هەموو كەس لێی تێدەگات‌و پێویست بە لێكدانەوە‌و شیكردنەوەیەكی تایبەت نیە، هیچ سنورێكی بۆ لەبەرچاو نەگیراوە‌و هیچ چوارچێوەیەكیش بە دەوریدا دانەخراوە. كەواتە بۆچی هەزاران هەزار پەنابەر لە شوێنە جیاجیاكانی جیهاندا بێ وەڵام ماونەتەوە‌و یەكلا نەكراونەتەوە‌و لە بارودۆخێكی نادیار‌و ئاڵۆزدا ماونەتەوە، بە نائومێدییەوە چاوەڕێی وەرگرتنی ئیقامەت دەكەن لەو وڵاتەدا كە پەنایان بۆ بردووە، بە بێ داهاتوویەكی روون ژیان بە سەر دەبەن.

نیشتەجێبوون یان  بە هاوڵاتیبوون یان وەرگرتنی پێناسەیەكی ئەو وڵاتە بەشێكە لەو مافەی كە لە یاسا نێودەوڵەتیەكەدا دانراوە‌و دەبێ بە ئاسانی‌و بە زووترین كات‌و بە رێزەوە پێی بدرێت، نەك بۆ وەرگرتنی  مافەكانی خۆی سواڵی بكات‌و بە گرنگترین داواكارییەكانی شرۆڤە بكرێت‌و هیچی پێنەدرێت.

ئاماژە بە بنەمای چواردەهەم دەدەین (كە خاڵێك لەبەرچاو دەگرێت بۆ داواكاری پەنارێتی):

-هەر كەسێك مافی هەیە لە بەرامبەر ئەشكەنجە‌و لە ژێرچاودێری‌و ئازاری وڵاتەكە دا، لە وڵاتانی تردابەشوێن پەناگاهێك بێت و پەنارێتی وەربگرێت.

-لەو بوارانەدا كە بەدواداچوون لە راستیدا بە تاوانی گشتی‌و ناسیاسی یان رەفتاری دژ بە بنەمای نێودەوڵەتی‌و مەبەستە نێودەوڵەتیەكان بێت، ناكرێ لەم مافە كەڵك وەربگیردرێت.

بۆ پیاڕاگەیشتن‌و جێبەجێكردنی یاسایی بە مەبەستی قبوڵكردن یان قبوڵنەكردنی دواكاری پەنارێتی پەنابەران رێسایەكی سادە خراوەتەڕوو كە ئاڵۆز نیە‌و ناتوانێ ببێتە رێگر لەبەردەم بەفێڕۆدانی جێبەجێكارانی ئەم كارە.

كەسێكی پەنابەر زۆرجار بە گشتی پردەكانی پشت سەری رووخاوە، ئومێد‌و پاڵنەرەكانی بۆ ژیان كەمڕەنگ بووەتەوە یان بە تەواوی لەناو چووە‌و بە دوای دەرفەتێكی نوێدایە كە چێژ لە ژیان وەربگرێت‌و بتوانێ لە كارەكانیدا سەركەوتوو بێت. دووری لە بنەماڵە‌و خێزان، دووركەوتنەوە لە خزم‌و دۆست‌و ناسراوەكان، دووركەوتنەوە لە بیرەوەریەكان‌و خۆشیەكانی ژیان كارێكی ئاسان نیە، بەڵكو دڵتەنگی‌و دژواری بەدواوەیەتی. كەسێكی پەنابەر بۆ دڵخۆشی‌و گەشت‌و سەیران بڕیاری دووركەوتنەوەی نەداوە‌و ئامادە نیە بە رێگایەكدا بڕوات كە نادیارو تاقەت پڕۆكێنە. لە بارودۆخێكی نەگونجاودا هەنگاو دەنێت‌و پێویستی بە یارمەتییە.

گێڕانەوەی بارودۆخ‌و داواكاری‌و مافی مرۆڤی كەسی پەنابەر بەشێكە لە ئامانجی سەفەرەكەمان كە مەبەستمانە باسی لە سەر بكەین‌و لە رێگای جێبەجێكردنی یاساكانی ئێستا، رێگاچارە‌و ئاسانكاری بدۆزینەوە.

گروپەكەمان نایەوێ لە هیچ وڵاتێك بە مەبەستی مانەوە بمێنێتەوە‌و لە هیچ وڵاتێك داوای پەنابەرێتی ناكات‌و لە بەرنامەشماندا نەگونجاوە، تەنها دەمانەوێت بە تێپەڕبوون بە ناو وڵاتان‌و پەیوەندی كردن بە خەڵك‌و راگەیاندنەكان باسی دەرد‌و ئازارەكانمان بكەین، دەستی هاوڕێیەتی‌و پێكەوەبوونی هەموو نەتەوەكانی جیهان دەگوشین‌و خوازیاری یارمەتین بۆ ئەو كەسانەی كە لە جیهاندا پێویستیان بە مرۆڤەكانە.

چاوەڕیمان بن‌و پێشوازیمان لێبكەن، بە خۆشەویستی‌و یەكدڵی روانەمان بكەن.

هۆنراوەیەك:

مێژووی مەرگ‌و پەژارەیە.

رۆژژمێری سەر مێزەكە

بدڕێنە‌و یەك بە یەكی پەڕەكانی

بخەرە ناو ئاگردانەكان.

دەبێ قەڵەم بە دەستەوە بگرین

مێژوویەكی نوێ بنووسین

پێویستە لە خۆمان دەرباز بین‌و بڕۆین

بەرەو پیریی چارەنووس.

ئازاری هەموو پەڕەكانی ئەم رۆژژمێرە

رۆژی درۆ ‌و خەمبارییە

مێژووی ئێمە‌و هەبوونمان

لە دەستی من‌و تۆدایە.

ئەو شتانەی بە سەرماندا تێپەڕ بوو

وەك وابێ لە مێژووی ئێمەدا نەبووە‌و نیە

دەسپێكی ئێمە‌و تەمەنی زەوی

لەگەڵا خوڵقاندنی جیهاندا یەك شتە.

تا كەی بیر لە پەرجۆ بكەین

تا كەی چاوەڕێی رووداوێك بین

تۆ بە سەر پشتی چارەنووسدا سواری

تۆز‌و خوڵی رووداوەكان لە شوێن پێدا بەجێماوە.

تا كەی لە زوڵم‌و نەزانیدا ون بین؟

تاكەی سیحرمان لێبكەن‌و چۆك دابدەین؟

خوا پێویستی بە نەزری تۆ ‌و نیازی من نیە.

رۆژژمێری ئازار‌و جیاكردنەوە

ئێمەی بردەوە بۆ چاخی بەردین

ئەم نەتەوەیە كە لە خۆیدا ون بووە،

بە هۆی ناخی تۆ هەرەسی هێنا

نامۆبوونی ئەم رۆژژمێرە كۆنەیە

دووپاتبوونەوەی مێژووی خەمە

بێ سەرەتا‌و بێكۆتایی

مەڵێ شرۆڤەی حاڵ‌و دۆخمانە

دەبێ جیهان بە شێوەی نوێ ببینین

بڕۆین‌و بگەینە داهاتوو

بۆ دەسپێكێكی سەر لە نوێ

نابێ چاوەڕوانی بكەین

با متمانە بە دەستی یەكتر بكەین‌و

سەر لە نوێ قەڵەم بە دەستەوە بگرین

دیسانەوە  بنووسین ‌و شتە نامۆكان بیسڕینەوە

سەرتا هەنگاو بە هەنگاو

مێرژووی مەرگ‌و پەژارەیە

ئەمە مێژووی كۆنی خەمە

دۆزەخ یان بەهەشت

بە بێ ترس ژیان بنووسینەوە.

لەگەل رێزماندا:

"لێكۆڵەڕانی ئاشتی"